SANDI ASMA

Sugeng Enjing / Siang / Sonten / Dalu pengunjung blogkuuu XD
Btw iki first post loh :D

Piye Kabare ?? Sek penak jamanku tho? *opoiki x_x

Mugi-Mugi kita sedaya waras wal afiat yaa :D

Ing kesempatan sing bahagia iki *eaaak aku bagi-bagi ilmu saitik babagan “SANDHI ASMA”.

Opo tho jane Sandhi Asma iku?

Tembung Sandhi Asma kedadeyan saka 2 tembung yaiku sandhi lan asma. Sandhi tegese wadi (rahasia) , samun, ora genah, ora ketara. Dene asma tegese jeneng. Sandhi asma duwe teges jeneng kang disamarake, jeneng kang ora diketarakake, utawa jeneng kang didhelikake ( Indonesia : nama samaran)

Sejatine jeneng mau wis jangkep, nanging jeneng mau dipedhot-pedhot, ora langsung bisa ditemtokake. Biasane sandhi asma iki dumunung ing reriptan/karya sastra awujud tembang utawa ing geguritan. Nanging bisa uga ing sesanti.

Sandhi asma manggon ing :

1.      Wiwitane pupuh

2.      Wiwitane pada

3.      Wiitane gatra

4.      Pungkasane gatra

5.      Pedhotan gatra

Pujangga jawa kang misuwur yaiku Raden Ngabehi Ranggawarsita mapanake sandhi asma ing karya sastrane kang awujud tembang kanthi pirang-pirang cara/modhel.

Contone karya sastra iki:

Rongkob rukading badan, kalingan dening solah susila,

galap-gangsuling lesan, kalingan dening wicara manis,

warrni awon, kalingan dening manah sareh,

sipat kuciwa, kalingan dening netya sumeh,

taliti sudra, kalingan dening berbudi bawa laksana.

Nah!! Yen iki karyaku.. ngapunten nggih yen rada-rada ehemm... wkwk

     Tresna Sejatiku

Dening : Ella Yuni Astuti

Esemmu kang pait madu

Laksana rembulan ing langit biru

Lumebet ing njero kalbu

Adhem ayem rasaning atiku

Yogyane solah tingkahmu

Uga alus tetembungmu

Nyrenyuhake penggalihku

Ing pikiranku namun ana sliramu

Amubeng-mubeng ing lamunanku

Setyaning atiku..

Tresnaning atiku..

Uwis mentok kanggo sliramu

Tresna sejatiku

Iqbaal Dhiafakhri Ramadhan

       Ayo Tobat

Dening : Ella Yuni Astuti

Eling-eling sira manungsa

Larangan lan perintah agama

Lila kabeh kudu dilakoni

Amarga iku wasiate Gusti

Yuwana ngaurip ing donya

Uga mbesuk mokal mlebet suarga

Ning donya tansah rekasa

Ing akhirat bakale mulya

Ayo sedulur padha tobato

Sholat ngaji lakonana

Tumindak ala ndang ditinggalna

Ucap pangapura marang Gusti kang Kuasa

Tobat kanti temenan lahir lan batin

Ing dongane mugi Gusti tansah ngijabahi

      Bumi Pertiwi

Dening : Ella Yuni Astuti

Endahing bumi pertiwi..

Lelabuhane tanah nagari

Lelakuning urip sira manungsa

Anggone golek makarya

Pemandangan kang dilukis Ilahi

Angagem kanvas kagungane Gusti

Nirwana kang taksih suci

Cat warna kang sumebar ing bawana

Enak dipandang soca

Nggawe bungahe nala

Manungsa kabeh kudu njaga

Anugrah saking kang Maha Kuasa

Nglestariaken alam lan lingkungan kita

Iku kewajiban kang nyata

Supados bumi pertiwi katon asri

Mugi-mugi bermanfaat dunia akhirat nggih.

Matur suwun.